Berriak

EAEn egiten diren jendaurreko ikuskizunak eta jolas jarduerak arautzea da legearen xedea, baita horiek hartuko dituzten establezimendu publikoek edo espazio irekiek bete beharko dituzten baldintzak eta eskakizunak araupetzea ere.
atzordeak oso ongi irizten dio aurreproiektuak askatasunaren, segurtasunaren eta elkarbizitzaren printzipioen arteko oreka bilatzeari. Halaber, administrazioaren baimena soilik behar-beharrezko kasuetara mugatzeko eta aire libreko ikuskizunek eta jarduerek ukitutako herritarrei entzuteko gomendatzen du.

 

 

 

Euskadiko Ekonomia eta Gizarte Arazoetarako Batzordeak atseginez gonbidatzen zaitu, datorren azaroaren 29an, 11.30etan egingo duen Tribunara. Tribuna hau, UPV-EHUren Eraikin Berrian, Bizkaia Areta ( Abandoibarra Etorbidea, 3) Arriaga Aretoan ospatuko da.

EGABaren Presidenteak Ekimen Propioaren Azterlana aurkeztuko du: "Hezkuntza Sistema EAEko Jarduera Sozioekonomikoaren beharrizanetara egokitzea". Soziologo Ikertzailea den Oriol Homs i Ferretek "Hurrengo urteetako prestakuntzarako erronken ekonomia-eta gizarte-arloko eraginak" izeneko aurkezpena egingo du.

Ikus konbidapena gure "Jarduerako Zerrenda".

 

Ekonomia eta Ogasuneko Carlos Aguirre sailburuak gaur Euskadiko Ekonomia eta Gizarte Arazoetarako Batzordearen Osoko Bilkuran –sindikatuekin, patronalarekin eta talde mistoarekin osatuta- Euskal Autonomia Erkidegoaren 2012ko Aurrekontu Orokorren alderdirik garrantzitsuenak aurkeztu ditu. Halaber, Aguirrek, Ekonomia eta Gizarte Arazoetarako Juan María Otaegui batzordeburuarekin batera, kontu orokorrak organo aholku-emailearen aurrean zehazteko konpromisoa bete du, hori nahitaezko izapidetza ez bada ere. 

 

 EEGABk Hezkuntza Sistema EAEko Jarduera Sozioekonomikoaren  beharrizanetara egokitzeari eta Bizialdi osoko Ikaskuntzari buruzko Legearen aurreproiektuarekin dituen konexioei buruzko azterlana aurkeztu du Sailburuaren aurrean.

EEGABek hezkuntza sistema jarduera sozioekonomikoaren beharrizanei egokitzeari eta bizialdi osoko ikaskuntzari buruzko Legearen aurreproiektuarekin dituen konexioei buruzko Ekimen Propioko Azterlana aurkeztu du Hezkuntza Sailburuaren aurrean; uste du arau hori beharrezkoa dela.

 

Legeari buruzko Aurreproiektuaren xedea euskal paisaiei aintzatespen juridiko egokiarekin hornitu eta hori behar bezala kudeatu eta hobetzeko tresna egokiak ezartzea da.

EGABek baloratutakoaren ariora, agiria zuzenbidera egokituko da, bestelako autonomia-erkidegoek egindakoari helduta, baina hobetu daitezkeen alderdiak aurkeztu ditu.Horrez gain, lurraldea, hirigintza, garapen iraunkorra eta paisaia behar bezala barnean hartzen dituen legea eratzeko aukera bakarra eskaintzen duela uste du.

 

Topaketa horretan, Etxebizitza Saileko ordezkariek Eusko Jaurlaritza prestatzen ari den Etxebizitzari buruzko Legearen Aurreproiektuaren xehetasunak azaldu zituzten. Iragarri zutenez, Eusko Legebiltzarrak Lege hori urtea amaitu baino lehen onestea aurreikusita dago.

Mari Paz Larrumbide, Etxebizitzako sailburuordea; Mario Yoldi, Plangintza eta eragiketa-planen zuzendaria; Rafael B. Farias, Lurzoru eta Hirigintza zuzendaria; eta José Ignacio de la Puerta, Berrikuntza eta Kontrol zuzendaria, Juan María Otaegui Presidente duen Euskadiko Ekonomia eta Gizarte Arazoetarako Batzordean agertu dira goizeon. Topaketa horretan, Saileko ordezkariek Eusko Jaurlaritza prestatzen ari den Etxebizitzari buruzko Legearen Aurreproiektuaren xehetasunak azaldu zituzten. Iragarri zutenez, Eusko Legebiltzarrak Lege hori urtea amaitu baino lehen onestea aurreikusita dago.

“Nahiz eta Euskadin etxebizitzari buruzko arautegirik aurreratuenetakoa izan, ez geneukan berariazko legerik, eta beraz, lege berezi bat landu behar genuela begitandu zitzaigun, hots, egun bizi dugun krisi egoera honek ezartzen dizkigun baldintza berriei beren beregi egokituko den legea” jorratu behar genuela, adierazi zuen Larrumbide sailburuordeak. Besteak beste, testu berrian alogera lehenesten da eta garrantzi berezia ematen zaie errentatzaileen eta errentarien arteko bitartekaritza-egitarauei eta zaharberrikuntzaren arloko egitarauei.

EEGABk heldu diren asteotan emango du Etxebizitzari buruzko Legearen Aurreproiektuari buruzko irizpena, eta Etxebizitza Sailari igorriko dio.

 

 

Irizpenen erdia baino gehiago Eusko Jaurlaritzaren Lan eta Gizarte Gaietarako Sailak bidalitako arauei buruzkoak dira. Eusko Jaurlaritzaren sailekin egondako harremanak oso onak izan dira eta hori EGABko Osoko Bilkuraren aurrean Industria, Berrikuntza, Merkataritza eta Turismoko sailburuak edo Ekonomia eta Ogasuneko sailburuak, besteak beste, egindako agerraldietan ikus daiteke.
EGABk egun bere ekimeneko hainbat lan garatzen ditu demografia, energia berriztagarri eta hezkuntzako sistemaren egokitzapenarekin lotuta. Hauek urte honetan zehar argia ikusiko dute.
Euskadiko EGABk harremanak areagotu ditu Europako Sare Transatlantikoarekin eta Akitaniako Eskualdeko Ekonomia eta Gizarte Arazoetarako Batzordearekin, eta elkarrekin azterlanak egin dituzte itsasoko energia berriztagarriei buruz eta garraioaren eta mugako komunikazioen egoerari buruz.

[Ikus Prentsa Oharra]       [Ikus Azterlana]

 

 

 

Euskadiko Ekonomia eta Gizarte Arazoetarako Batzordeak uste du klimaren aldaketaren politika BEG isurpenak murriztera zuzenduta egon behar dela karbono gutxiko eta berritzaileak diren teknologietan oinarrituriko ekonomiarantz apurka-apurkako trantsizioa saiatuta. Eta hauek enplegu berdea sustatu eta lehiakortasuna hobetzeko gauza izan behar dute.

EGABk uste du Aurreproiektuaren testuak klimaren aldaketaren aurka jarduteko programak egiteko jasotzen duen prozesua oso luzea dela eta hiritarren protagonismo eta parte-hartze handiagoaren falta sumatzen du.

Batzordeak beharrezkotzat jotzen du ezaugarri hauetako lege batek enpleguaren gainean eduki dezakeen inpaktuaren erreferentziak sartzea, hala enplegu berdearen sorrerari dagokionez nola klimaren aldaketak eragindako balizko enplegu-galera pairatzeko arriskua duten langileentzako egokitzapen profesionalaren beharrei dagokienez ere, lan-merkatuan berriro sartzeari begira.

 

• Euskadiko Ekonomia eta Gizarte Batzordeak Memoria Sozioekonomikoa aurkeztu du gaur Eusko Legebiltzarrean, 2009. urteari dagokiona. Memoria horretan, euskal ekonomiaren jokabidea eta gizartearen egoera aztertzen dira, eta erakunde aholku-emaileko ekonomi eta gizarte eragileen baterako diagnostikoa eskaintzen du.

• 2009. urteko datuek krisialdi sakona dela erakusten dute. Ezaugarri kezkagarriak daude hala nola lanpostuak galtzea, bereziki gazteenen langabeziaren igoera.

• Euskadiko EGABk produktibitatearen eta lehiakortasunaren arloko hobekuntzak eskatzen ditu, eta horretarako, hezkuntza, trebakuntza, ikerketa, berrikuntza eta teknologi transferentzia bultzatu behar dira. I+G-b-ko inbertsio publikoa handitzearen aldeko apustua ere egiten du, baliabideak euskal ekonomian egoera hoberenean dauden arloetan metatuz.

• Memorian, gizarte mailako bestelako gaiak ere aipatzen dira, esaterako: euskal biztanleriaren hazkundea etorkinei esker; zenbait gizarte-talderen zaurgarritasuna edo ingurumenaren arloko lorpenak eta esparru horretan betetzeke dauden erronkak.

[Ikus Prentsa Oharra osoa]

 

• Euskadiko Ekonomia eta Gizarte Arazoetarako Batzordeak erretzen ez duten pertsonen eskubideak babesteko lege-aldaketak positiboki baloratu ditu.
• Euskadiko EGABk bere irizpenean zenbait ohar egiten ditu, hala nola borondatez erretzeari utzi nahi dioten langileei laguntzeko planak sustatzea.
• Debekuez gain, Batzordeak Euskal Autonomia Erkidegoan gizarte-kontzientziazioaren ekintza eraginkorrak bultzatzea eskatzen du. Izan ere, Erkidegoan ohiz biztanleen laurdenak erretzen du eta emakumezko gazteen artean kontsumoa gehitu da; are gehiago, jada adin bereko gizonezko erretzaileen kopurua gainditzen dute.
• Eta, azkenik, bere iritziz lege aitzindaria eta oso zorrotza da, beraz, agindu guztiak eraginkortasunez betetzeari buruz kezka sortzen du.

Euskadiko Ekonomia eta Gizarte Arazoetarako Batzordeak zenbait gogoeta egin ditu droga-mendekotasunen arloan prebenitu, lagundu eta gizarteratzeko legearen hirugarren aldaketari dagokion lege-proiektuari buruz. Aipatu legea Enplegu eta Gizarte Gaietako Sailak aurkeztu du. Aldaketa tabakoaren kontsumoari buruzkoa da eta berrikuntza nagusiak erretzen ez duten pertsonen eskubideak zaintzeari buruzkoak dira.
Gaur egun tabakoaren kontsumoa arautzen duen legeak lantokietan, garraio publikoetan eta kultura- nahiz kirol-zentroetan erretzea debekatzen du, baina ostalaritza-lokaletan eta astialdirako tokietan salbuespenak daude. Dena den, tabakoa kontrolatzeko Munduko Osasun Erakundearen hitzarmen esparruak eta erretzeko ohiturari uzteko politikaren Europako estrategiak kontsumoaren debekua beste eremuetara zabaltzea eskatu dute. Eremu berri horiek erabilera publikoko espazio itxiak eta ibilgailu partikularrak dira, azkenekoetan adin txikikoek bidaiatzen badute. Besteak beste, bi alderdi horiek lege-proiektuak jasotzen ditu. Euskadiko EGABk aldeko irizpena egin du, herritar guztien osasuna babesteko neurrietan aurrera egin nahi baitu. Hala eta guztiz ere, aitzindaria eta zorrotza izateagatik, agindu guztiak eraginkortasunez betetzeari buruz kezkati agertzen da.

Ostalaritzan erantzukizuna zehaztea
Batzordeak ostalaritzaren sektorean erantzukizunaren araubideari buruz zehaztasun handiagoa eskatzen du. Ildo horri jarraiki, adibidez, titularraren eta arduradunaren artean bereizketa egiten denean, nork duen ardura egiaz zehazteko zalantzak sortzen dira. Gauza bera gertatzen da pertsona horiek arau-haustea kontrolatzeko orduan duten inplikazioarekin.

Erretzeari uzteko prebentzio-planak eta laguntzak
Euskadiko Ekonomia eta Gizarte Arazoetarako Batzordearen beste gogoeta Eusko Jaurlaritzako Droga-mendekotasunen Zuzendaritzari eta Osalani zuzentzen zaie. Euskadiko lan-eremuan droga-mendekotasunen prebentzioari buruzko hitzarmen eta planak egiteko sindikatu- eta enpresa-erakundeekin elkarrizketa bultzatu behar da.
Prebentzio-politikaren neurriez gain, EGABk, Prebentzio Zerbitzuetako osasun-zerbitzuekin lankidetzan, borondatez erretzeari utzi nahi dioten langileei laguntzeko planak sustatzea eskatzen du.

Biztanleen %25 erretzailea da
“2007ko Euskadiko Osasunari buruzko Galdeketaren” –azkeneko eskuragarria- datuen arabera, Euskadiko biztanleen %25ek ohiz erretzen du: gizonezkoen %29,1ek eta emakumezkoen %21,1ek. Aurreko galdeketaren (2002. urtekoa) datuekin erkatuz, erretzaileen kopuru guztia ehuneko puntu batean baino gehiagotan jaitsi arren, azpimarratzekoa da jaitsierak bakarrik gizonezkoen kontsumoa murrizteari erantzuten diola, emakumezkoen artean maila berdina mantentzen baita. EGABrentzat bereziki kezkagarria da emakumezko gazteenen artean -16 eta 24 urte- erretzeko ohitura adin bereko gizonezkoen ohitura baino handiagoa izatea; %25,5, %22,9ren aldean.
Estatistikan aldagai sozio-ekonomikoa sartuz gero, tabakismoak gorantz egiten du maila txikiagoa den heinean; patroi hori gizonezkoen artean emakumezkoen artean baino gehiago zabaltzen da.
Datu horien haritik, Ekonomia eta Gizarte Arazoetarako Batzordearen iritziz ekintza eraginkorrak aplikatu behar dira, ez bakarrik debekatzeko, baita gizarteari kontzientziatu eta sentsibilizatzeko ere. Ekintza horiekin heriotza-tasak, gaixotasun-tasak eta ezintasun-tasak sortutako arazoa gelditu behar da.

 

EUSKAL EGABk HEZKUNTZA-SISTEMAK EAEKO JARDUERA SOZIOEKONOMIKOAREN BEHARRIZANETARA EGIN BEHARREKO DOIKUNTZA AZTERTUKO DU

• Euskadiko Ekonomia eta Gizarte Gaietarako Batzordeak antolatutako konferentzian, Galesko (Cardiff) Unibertsitatearen Eskualdeetako Garapen Ekonomikoari buruzko Ikerketaren Philip Cooke katedradunak adierazi duenez gero, Europako eskualdeetako ekonomikoen etorkizunak "garapen adimentsua, eraginkorra, berdea eta sormenezkoa eskuratuko du".
• Testuinguru horretan, eskualdeek diziplina arteko prestakuntzen oinarria eskatuko dute, sormena eta zeharkotasuna, betiere esangura zabalean, funtsezko osagai gisa hartuta.

Galesko (Cardiff) Unibertsitatearen Eskualdeetako Garapen Ekonomikoari buruzko Ikerketaren Philip Cooke katedradunak, gaur goizean, Bilbon, Euskadiko Ekonomia eta Gizarte Gaietarako Batzordeak antolatutako konferentzia eskaini du. “Euskal Herriko eskualdeen berrikuntza eta prestakuntza-beharrizanak” izenburupean, adituak, herrialde ezberdinetako esperientzia zehatzak aztertuta, sormena eta sektoreen arteko nahiz diziplinen (zientifikoak, teknologikoak, artistikoak, humanistikoak…) arteko ezagutza-fluxuak osagai giltzarriak direla azaldu du, garapen ekonomiko iraunkorra erdietsi ahal izateko.
Cooke jaunaren iritziz, “Euskal Herriko ekonomiak eman duen bira nabarmena izan da, baina orain beharrezkoa da trantsizio handia gertatzea, zerbitzu sormenezkoagoak eta sistema ekonomiko espezializatuagoak eskuratzeko”. Era berean, katedradun jaunak baieztatutakoaren ariora, eskualdeen etorkizunak, Euskadi barnean hartuta, “garapen adimentsua, eraginkorra, berdea eta sormenezkoa eskuratu eta zeharkotasuna abian jarriko du". Bere esku-hartzean, Italian, Erresuma Batuan edo Suedian garatutako ildo bereko esperientzia ezberdinak xehatu ditu.

EGABk hezkuntza-sistemaren egokitzapenari buruz egin beharreko hurrengo azterketa
Galesko adituaren konferentzia, berrikuntzaren eskualde-sistemei buruzko teorien aitatzat jo dena, Euskal EGABk hezkuntza-sistemak EAEren jarduera sozioekonomikoaren beharrizanetara egin beharreko egokitzapenari buruz antolatutako azterlanaren esparruan garatu da. Lanaren xedea prestakuntzari buruzko eskaintzaren eta eskariaren arteko gaur egungo doikuntza maila aztertzea da, lan-merkatuak gauzatzen duena, bereziki, epe laburrean, ertainean eta luzean beharrezkoak izango diren zereginei eta prestakuntzei begira gauzatu beharreko zaintza barnean hartuta.
Agirian halaber hobekuntzarako zenbait iradokizun jasoko dira, aipatutako doikuntzan jasotako tresna, prozesu eta prozedura giltzarriak kontuan hartuta.

Philip Cooke jaunari buruz
Gainera, Galesko (Cardiff) Unibertsitatearen Eskualdeen Garapen Ekonomikoari buruzko Ikerketaren Philip Cooke Katedraduna unibertsitate bereko Azterketa Aurreratuen Zentroko zuzendari-sortzailea da, bai eta CESAGen ikertzaile nagusia ere, gizarte-ikertzaileek eta zientzia natural eta medikoetako ikertzaileek genomikaren garapenean batera lan egiteko diziplina anitzeko zentroa, hain zuzen. Gai ezberdinak jorratu ditu, nazioarte mailan ondore nabaria eraginda, hala nola: berrikuntzaren eskualde-sistemak; ezagutzaren ekonomia; ikaskuntza, klusterrak eta sareak; eta bioteknologiari buruzko berrikuntzaren ekonomia. Cooke jaunak Erresuma Batuaren Gobernuari berrikuntzarekin zerikusia duten gaiei buruzko aholkularitza eskaintzen dio, bai eta nazioarteko bestelako erakundeei ere, ELGAri, Munduko Bankuari eta UNIDOri ere berrikuntzaren eskualde-sistemari buruz.

 

Euskadiko EGABak honako irizpenak onartu ditu: 9/10 Irizpena, gizarte larrialdiko laguntzak araupetzen dituen dekretu-proiektuari buruzkoa eta 10/10 Irizpena, inklusio aktiboko hitzarmenen Dekretu-proeiktuari buruzkoa.

[Ikus 9/10 Irizpena]                          [Ikus 10/10 Irizpena]

 

Eusko Jaurlaritzaren Lege Aurreproiektuak Lehiaren Euskal Agintaritza sortzea aurreikusten du, eta hura izango da askatasunez gaiarekin zerikusia duten funtzio guztiak garatuko dituen organo bakarra. Erakunde horrek Lehiaren Defentsarako Euskal Auzitegia eta Lehiaren Defentsarako Euskal Zerbitzua ordezkatuko ditu. EGABek uste du proposatu den erreforma bat datorrela nazioartean gehien zabaldutako antolamendu ereduarekin.

 

 Euskadiko Ekonomia eta Gizarte Arazoetarako Batzordeak aldeko irizpena eman du Lehiaren Euskal Agintaritzaren Lege Aurreproiektuari buruz, hain zuzen ere Eusko Jaurlaritzako Ekonomia eta Ogasuna Sailak landutakoa. Aurreproiektuaren zergatia lehiaren alorrean antolatutako egitura bat Euskadin finkatzeko beharrari erantzutea da, nazioartean gehien zabaldutako ereduaren ildo beretik eginez. Eredu hori hartu dute jada Estatuan eta gai honetan eskumenak dituzten beste autonomia erkidego batzuetan.

 Zentzu horretan, Lege Aurreproiektuak organo bakarra sortzeko aukera aurreikusten du: Lehiaren Euskal Agintaritza; hari egokituko zaio, askatasunez, gaiarekin zerikusia duten funtzio guztiak betetzea. Gauzak horrela, erakunde honek lehia askeko eta gardentasuneko baldintza guztiak sustatu, bermatu eta hobetu beharko ditu merkatuan.

 Behin legea indarrean jartzen denean, Lehiaren Defentsarako Euskal Auzitegia eta Lehiaren Defentsarako Euskal Zerbitzua iraungita geratuko dira. Haien eskumenak Lehiaren Euskal Auzitegiak eta Ikerketa Zuzendaritzak betetzera igaroko dira; bi erakunde horiek Lehiaren Euskal Agintaritza berriaren mendekoak dira.

Hobetu daitezkeen alderdiak

Ekonomia eta Gizarte Arazoetarako Batzordeak balorazio positiboa egiten du gobernuaren ekimenaren gainean, izan ere, “baterakuntzako antolamendu egitura bat sortzea dakar, lehia sustatu eta defendatzeko funtzioak garatu ahal izateko erakunde esparru irmoarekin”. Aitzitik, eta bertan egiten diren irizpenen ildo beretik, EGABek hainbat ohar eta gomendio sartu nahi ditu.

Besteak beste, zera aipatzen da: zenbait artikuluren irakurketatik zalantzan jartzera ere iritsi gaitezkeenez zerbitzu publikoak hornitu edo finkatzea beharrezkoa den, komenigarria litzateke legeak Ongizate Gizarte batean zerbitzu publikoen beharrari aipamen egitea hitzaurrean edo zioen azalpenean. Horrek, aldi berean, lagundu egingo luke saihesten Lehiaren Euskal Agintaritza presio organo gisa interpretatzen horrelako zerbitzuak liberalizatzeko.

Halaber, eskatu egiten da legeak berak berma dezala baliabide materialak eta giza baliabideak egongo direla aurreikusitako organo eta zerbitzuentzat.

Berariazko oharren kapituluan, EGABek idazketa ñabartuagoa proposatzen du zenbait idatz-zatitan.

Halaber, Lehiaren Euskal Agintaritzaren eskumenen esparruan, EGABek uste du beharrezkoa dela argi eta garbi arautzea isunak ordaintzetik libratzeko gaitasuna edo haien zenbatekoak murriztekoa. Horrela, ez dira erabaki arbitrarioak jazoko. Eta Agintaritzaren irizpenei dagokienez, komenigarritzat jotzen da haien izaera zehaztea (loteslea zein ez) eta baita haien irizpidea ere. Horrela, gomendatu egiten da glosario gisa eredu zerrenda bat sartzea (jarrera gailentzailearen abusua, leialtasunik gabeko egintzak, debekatutako akordioak...).

 

 

EGABk epe luzerako estrategia integral bat martxan jartzea gomendatzen du, betiere aurreikuspen demografikoek lan merkatuan, pentsioen sisteman, osasunean eta osasun sisteman, menpetasunean, gizarte zerbitzuetan eta hezkuntza sisteman izango dituzten eraginei aurre egin ahal izateko.

[Ikus Prentsa Ohar osoa]

 

 

• Euskadiko Ekonomia eta Gizarte Arazoetarako Batzordeak uste du aldaketak gizarteratzeko hasierako puntu gisa enplegua finkatzen duen estrategia integrala osatzen duela,  Begi onez ikusten duen arren, Batzordeak uste du proposatutako neurriak modu eraginkorrean aplikatzeko “gaur egun definitu gabe dauden” tresna batzuk behar direla. 
• EGABek positibotzat jotzen du arauak Lanbideri EAEn garatzen diren enplegu politiken kudeaketan paper nagusia ematea, nahiz eta gogorarazi nahi duen oraindik ez direla lekualdatu.

 

 

EGABen jarduera arautuko duen lege-proiektuaren zirriborroan aurreikusten denez, bozketak banaka eta gehiengoz izango dira, eta horrela gaur arte zegoen beto-eskubidea amaitu egingo da. 

Zirriborroan, horrez gain, Hirugarren Sektoreari sarbidea ematen zaio Batzordean; lan-batzordeetan kanpoko adituak sartzeko aukera irekitzen da, eta EGABaren eskumenak eta Lan Harremanen Kontseiluarenak argitu egiten dira.

[Ikus Prentsa Oharra osoa]

 

 

Araudiaren helburua da gizarte aurreikuspena orokortzea Euskal Autonomia Erkidegoko hiritarren artean, sistema kolektiboak eta enplegukoak, bereziki, sustatuz. Sailburuaren iritziz, aurreproiektuak BGAE araupetzen duen araudia argitu eta eguneratu behar du, Estatu eta Europako arauekin sintonian jartzeko.
Euskadiko Ekonomia eta Gizarte Arazoetarako Batzordea borondatezko gizarte aurreikuspenaren kontzientziatzea hedatzera zuzendutako sustatu eta bultzatzeko neurriak hartzearen alde agertzen da

(Ikus Irizpena "Irizpenak" azalean)

 

Lege honek euskal antolamendu juridikoa erkidegoko zuzenbideak zerbitzuaren jardueraren sarbide eta ariketa erregulatzearen arloan xedatutakoaren ildoan jartzen du. Helburua da Europako Batasuneko edozein herritan zerbitzuen jarduera garatzeko eskakizunak eta izapideak sinplifikatzea.
Arau berri hau indarrean sartzeak hamarka legetan aldaketak sartzea dakar. Euskadiko EGABk gogorazten du araubide berriak ez duela galerarik ekarri behar trafiko ekonomikoaren segurtasun, lehia leial eta pertsona kontsumitzaile eta erabiltzaileen eskubideen babeserako.

Euskadiko Ekonomia eta Gizarte Arazoetarako Batzordeak aldeko irizpena egin du hainbat lege 2006/123/EE Zuzentaraura egokitzeko asmoz aldatzeko Lege Aurreproiektuari buruz. Berau Omnibus Lege Aurreproiektu gisa ezaguna da eta Eusko Jaurlaritzaren Lehendakaritza Sailak igorri du. EGABk uste du aurreproiektua egoki eta beharrezkoa dela, izan ere, berau izapidetuz Europako Batasunaren esparruan hartutako konpromisoetatik etorritako obligazioa betetzen da. Lege honek euskal antolamendu juridikoa erkidegoko zuzenbideak zerbitzuen jardueraren sarbide eta ariketa erregulatzearen arloan xedatutakoaren ildoan jartzen du.
Omnibus Legearen helburua da Europako Batasunean zerbitzuen benetako merkatu bakarra lortzea, baita erkidegoko lurralde osoan zerbitzuak ezarri eta eskaintzeko funtsezko askatasunak gauzatzea ere. Zuzentarauak EBko Estatu kideak behartzen ditu justifikaziorik gabeko oztopoak, diskriminatzaileak edo neurriz kanpokoak ezabatzera zerbitzuen jardueraren sarbide eta ariketan; araupetzen duten prozedura juridikoak eta administraziokoak sinplifikatzera; informazio eta administrazioko izapideak egiteko leihatila bakarrak sortzera; eta administrazioen arteko lankidetzara kontrolen bikoizketa saihesteko eta enpresek pairatzen duten administrazioko karga murrizteko.
Arau berri hau indarrean sartzeak hamarka legetan aldaketak sartzea dakar: Jokoa, Museoak, Industria, Turismo Antolaketa, Ardogintza Antolaketa, Ingurumenaren Babesa, Lanbide Tituludunak eta Elkargo eta Kontseilu Profesionalenak, Fundazioak, Gizarte Zerbitzuak, Familia Bitartekotza eta Lurzoru eta Hirigintza.

Eskakizunak sinplifikatzea
Euskadiko Ekonomia eta Gizarte Arazoetarako Batzordeak ikusi du legearen aurreproiektuak zerbitzuen sarbide eta ariketarako eskakizunak eta izapideak sinplifikatzea ahalbidetuko duela eta aurretiko baimenen eskaera kentzea ahalbidetuko duela. Errekerimendu hau deklarazio arduratsu edo komunikazioaren figura berriez ordezkatzeak ez du, EGABk ohartarazten du, trafiko ekonomikoaren segurtasun, lehia leial eta pertsona kontsumitzaile eta erabiltzaileen eskubideen babesaren galerarik ekarri behar.

Berme handiagoak
Irizpenak gogorarazten du aurretiko baimenek prozedura zail, luze eta garestiagoa egituratzen dutela jarduera bateko sarbidean baina, aldi berean, jarduera egiteko legez ezarritako eskakizunen kontrol-iragazkia direla. Horregatik, hain zuzen ere, Batzordeak uste du ex-ante kontrolak -jarduera hasi baino lehenagokoak- kentzeak aurretik emandako bermeak berrezartzen dituzten konpentsazioko mekanismoak egituratzea eskatzen duela. Horrela, eskatzen du jarduera hasi ondoren egiaztatu eta kontrolatzeko lanak indartzeko eta zehatzeko eta disuasioko neurriak ezartzeko araubide berriaren arauak urratzen dituztenentzat.
Bere azterketan, Euskadiko EGABk gomendatzen du beharrezko giza baliabide, baliabide tekniko eta antolaketakoak egituratzea erkidegoko arauak eraginkortasunez aplikatzeko. Zentzu horretan, Batzordeak eskatzen du Euskal Autonomia Erkidegoan 2006/123/EE Zuzentarauak leihatila bakarra, Europako Batasuneko edozein herritan zerbitzuen jarduera egiteko administrazioko izapide guztiak -europarrak, estatukoak, autonomikoak eta tokikoak- aritzeko baliagarri dena, ezartzeari buruz emandako aginduak nola gauzatuko diren hobeto zehazteko.

 

• Behatokiaren xede nagusia EAEko familien errealitatea, egoera eta problematika, Familiak Laguntzeko Legea aplikatuz garatutako politiken inpaktua eta inguruko herrietan familiak babestu eta laguntzeko dauden sistemak etengabe aztertzea da.
• Ekonomia eta Gizarte Arazoetarako Batzordearen iritziz, araudiak familiako eredu berri baten kontsolidazioa sustatu eta bultzatzea ahalbidetuko du. Eta honetan eskakizun lagaezintzat hartzen dira bere kide guztien arteko begirunea eta autonomia eta bikoteko bi kideen berdintasuna, pertsonal eta profesionalki garatzeko aukera berberak dituztenak.

 

 

EGABko lehendakari José Luis Ruiz jaunak, berriz, adierazi du “krisialdiaren aurreko mailen parekagarri, gutxienez, diren mailetara itzultzen ez garen bitartean ezin dela hitz egin krisialdia gainditu izanaz”.

 

 

Europako EGAB-k eta Latinoamerikako erakunde sozialek berrikuntza eta teknologien dimentsio soziala aztertzen dute.

* Tokiko eremuko sektore ez tradizionalen gaitasun berritzailearen ezagutza eta egitura soziala sortzeko berrikuntzaren gaitasuna aldarrikatzen dituzte.

* Giza kapitalaren garrantzia eta gizarte zibilaren erakundeek berrikuntzako prozesuak sustatu eta garatzeko duten inplikazioa nabarmentzen dituzte.

Europako Ekonomia eta Gizarte Arazoetarako Batzordeak (EEGAB) jardunaldi batzuk egi behar ditu Euskadiko EGABn, Latinoamerika osoko gizarte zibilaren ordezkariekin batera, EB-Latinoamerikako Gizarte Zibil Antolatuaren Seigarren Topaketa prestatzeko. Lehenengo jardunaldia deklarazioko proposamena egitera zuzenduta egongo da eta bigarrenean, berriz, eta bertan Euskadiko EGABko kideek parte hartuko dute, eztabaida irekia egingo da EB-Latinoamerikako harremanei buruz. Amaierako ekitaldian Eusko Jaurlaritzaren Garapenerako Lankidetzako Zuzendari Marta Ares Godoy andreak eta gizarte zibilarekiko harremanetarako Europako Batasunaren Espainiako Lehendakaritzaren enbaxadore Carlos Carnero jaunak parte hartuko dute.

Bi jardunaldi hauetan zehar Euskadiko EGAbren bileran parte hartzen dutenek, bi kontinenteetakoek, gomendioak egingo dituzte Latinoamerikarako garrantzi handikoak diren gainen gainean, hala nola kohesio soziala, eskualdeko integrazioan sakontzea, lan duina, migrazioak edo garapen iraunkorra.

 

Elkarrizketa politiko gehiago

 Horrela, gizarte zibilak bere ordezkariei eskatuko die jauzi kualitatiboa egiteko EB eta Latinoamerikaren arteko Bi eskualdeko Elkarte estrategikoan, alde askotako mailan erregulazio handiagoa behar duten gaietan elkarrizketa politikoa sendotuta, hala nola ingurumena, energia, munduko gobernantza, migrazioak edo bakea eta segurtasuna. Halaber, eskatu ere egingo du gizarte zibilaren parte-hartzea harremanaren elementu estrategikoa izan dadila harremanak ezagunagoak eta gardenagoak egiteko, bi eskualdetako politiketan inplikazioko sentimendua laguntzeko eta aplikatzen diren neurrien eraginkortasuna handitzeko.

Era berean, erreklamazioen artean EB-Latinoamerika eta Karibeko Estatu eta Gobernuko Buruen hurrengo Gailurrak, berrikuntza eta teknologien gaietan oinarritutako lan-agenda izango duenak, berrikuntzaren dimentsio soziala kontuan hartzea ageri da. Azkenik, gizarte zibilak eskatuko du gaur egun EBk Erdialdeko Amerika, Andeetako Komunitate eta Mercosurrekin negoziatzen ari den akordioetan gizarte, lan eta ingurumeneko gaiak ere kontuan hartzeko, aipatutako akordio horiek aldaketa libreko baldintzak bakarrik hitzartzera mugatu ez daitezen, baizik eta aipatutako eskualdeen integrazioa, giza baliabideekiko errespetua eta garapen iraunkorra lagun ditzatela.

EEGAB-Latinoamerikako seigarren topaketa Madrilen egingo da 2010. urteko maiatzaren 5etik 7ra bitartean, eta bertan Europa eta Latinoamerikako gizarte zibilak maiatzaren 18an Madrilen, EBren Espainiako Lehendakaritzapean, egingo den EB eta Latinoamerika eta Karibeko Estatu eta Gobernu Buruei egindako gomendioak onartuko dira.

 

 

• Ekonomia Eta Gizarte Arazoetarako Batzordeak merkatuarekiko erlazioa baloratzeko bakarrik eskatzen du soldatekin hurbilketa badago.
• Nabarmendu du enpleguan enfasia jarri behar dela laneratzeko mekanismo gisa.

 

 

• Emakumezkoek hobe pairatzen dute atzeraldia, beren langabezia-tasa gehitu arren. Bakarrik emakumezkoen gazte-langabeziak du gizonezkoenak baino portaera hobea.
• Batzordeak ohartarazten du emakumezkoek gizonezkoen baino %26 gutxiago kobratzen dutela eta gizonezkoen behin-behinekotasuna baino hiru aldiz tasa handiagoa jasaten dutela.